Бишкекте жол кирени төлөбөгөндөргө 1000 сом айып салынат

Бишкек шаарында жол кирени төлөбөгөн жүргүнчүлөргө 1000 сом айып салынат. Бул тууралуу 24-февралда мэриянын басма сөз кызматы билдирди.

Маалыматка ылайык, шаардык транспорт муниципалдык ишканасы шаар ичиндеги коомдук транспорттордо рейддерди улантууда. Текшерүүлөрдүн жүрүшүндө жүргүнчүлөрдүн жол кирени өз убагында төлөөсү жана накталай эсептешкен учурда жол жүрүү талонун алуусу көзөмөлдөнөт.

Рейддер күн сайын саат 09:00дөн 18:00гө чейин жүргүзүлөт. Орточо эсеп менен күнүнө онго жакын административдик протокол түзүлүүдө.

Автор: Меерим Кабылова
Фото: Бишкек шаарынын мэриясы