Бишкекте ШКУдагы өлкөлөрдүн коргоо министрлеринин кызматташтыгы талкууланды

Бүгүн, 26-февралда Бишкек шаарында Коргоо министрлигинин эл аралык аскердик кызматташтык башкармалыгынын башчысы Рустам Ормокоевдин жетекчилиги алдында эл аралык аскердик кызматташтык боюнча жетекчилердин биринчи отуруму өтүүдө.

Министрликтин маалыматына ылайык, иш-чарага Индиянын, Ирандын, Казакстандын, Беларустун, Кытайдын, Кыргызстандын, Пакистандын, Орусиянын, Тажикстандын, Өзбекстандын жана ошондой эле ШКУнун катчылыгынын өкүлдөрү катышууда.

Отурумдун жүрүшүндө 2026-жылга карата ШКУга мүчө мамлекеттердин коргоо министрликтеринин кызматташуу планы каралууда. Анын негизги багыттарынын бири - ШКУга мүчө мамлекеттердин коргоо министрлеринин алдыдагы Кеңешмени уюштуруу жана өткөрүү болуп саналат.

Автор: Меерим Кабылова
Фото: Коргоо министрлиги