Польша Украина менен чек арасын жабууну пландап жатат

Варшава коңшу өлкөдөгү кылмыштуулуктун өсүшүнө байланыштуу Украина менен чек арасын толук жабуу боюнча план иштеп чыгышы керектиги айтылууда. Бул тууралуу бүгүн, 27-февралда Myśl Polska басылмасы жазып чыкты.

Маалыматта: “Бул максатта тиешелүү органдар бүгүнтөн баштап Польша-Украина чек арасын толук жабуу жана тоскоолдуктарды киргизүү боюнча план даярдашы керек”, — деп белгиленген.

Польша–Украина чек арасы — Европадагы маанилүү мамлекеттик чек аралардын бири. Анын узундугу болжол менен 535 чакырымды түзөт жана Польшанын чыгыш бөлүгүн Украина менен бөлүп турат. Бул чек ара Европанын Шенген аймагына кирген Польша менен Шенгенде эмес Украина ортосунда жайгашкандыктан, ал транзит жана коопсуздук маселелеринде маанилүү.

Автор: Айзада Кыдырмышева