Кара-Сууда түнкү рейдде 60ка жакын өспүрүм көчөдө жүргөнү аныкталды

Кара-Суу районунда “Өспүрүм – түн” аталышындагы рейд учурунда ата-энеси же мыйзамдуу өкүлүнүн коштоосу жок жүргөн 58 бала аныкталды. Бул боюнча Ош облустук милициясы билдирди.

Маалыматка ылайык, 27-февралда милиция кызматкерлери түнкү убакта коомдук жайларда, интернет клубдарда, оюн-зоок уюштурулган жайларды текшерди.

Алардын баарынын өздүгү такталып, ата-энелери чакыртылып, тийиштүү чаралар көрүлдү. Ошондой эле ата-энелерге Орозо айында мечиттерге таравих намазына балдарды өз алдынча жөнөтпөө жагы эскертилди.

Белгилей кетсек, аталган рейддик иш-чара облус аймагында бардык райондордо жүргүзүлүүдө.

Автор: Айжанар Рыспек кызы
Фото: Ош ОИИБ