Ошто жарамазан айткан балдарга карата рейд өткөрүлдү

Ош шаарында коомдук жайларда, көчөлөрдө жол кыймылына тоскоолдук жаратып жарамазан айткан балдардын коопсуздугун камсыз кылуу максатында рейддик иштер жүргүзүлүүдө.

Анын алкагында түндө көчөдө жүргөн балдарга, ата-энелерине түшүндүрүү иштери жүргүзүлүп, эскертүүлөр берилүүдө.

Белгилей кетсек, рейддер 3-мартка чейин улантылып, шаардын бардык аймагы текшерүүгө алынат.

Ош шаарынын мэриясы калаа тургундарына кечинде балдарынын көчөгө чыгуусун көзөмөлдөп, коопсуздугун камсыз кылууга чакырды.

Автор: Айжанар Рыспек кызы
Фото: Ош шаарынын мэриясы