27-февралда Бишкектин Муниципалдык инспекциясынын кызматкерлери жашыл аймакка унаасын токтотуп алган айдоочуну аныкташты.
Инспекциядан билдиришкендей, айдоочу документтерин көрсөтүүдөн баш тартып, тротуар менен айдап качууга аракет кылган. Ошондой эле инспекторду унаасынын капотунда сүйрөп кеткен.
Ал эми шаардык милиция тартип бузган айдоочу "Майда бейбаштык" беренеси менен айыпка жыгылып, убактылуу кармоочу жайга киргизилгенин маалымдады.
