Ошто дарыканадан мыйзамсыз дары-дармектер аныкталды

Ош шаарында "Аптека Кейджи" ЖЧКсына таандык дарыканадан мыйзамсыз дары-дармектер аныкталды. Бул тууралуу Салык кызматы 11-мартта билдирди.

Маалыматка ылайык, алардын жалпы суммасы 269 миң 989 сомду түзөт.

Мындан тышкары, ал жерде салык мыйзамдарын бузган башка фактылар да аныкталды:

Товарларды сатуу электрондук эсеп-фактуралар аркылуу түшкөн каражаттарды көрсөтпөстөн жүргүзүлгөн;
Айрым кызматкерлер боюнча салыктык отчёттор тапшырылган эмес;
Көзөмөл-кассалык машина техникалык жактан жараксыз абалда колдонулган.

Салык кызматынын кызматкерлери жеринде тиешелүү актыларды түзүштү. Анын негизинде тиешелүү чаралар көрүлөт.

Автор: Айжанар Рыспек кызы
Фото: Салык кызматы