Лейлекте 25 жаштагы жигиттин тузагына 13 адам түшкөн... Шектүү кармалды

Лейлек районунда 25 жаштагы жигит алдамчылыкка шектелип кармалды. Бул тууралуу Баткен облустук милициясы билдирди.

Маалыматка ылайык, ал Раззаков шаарындагы авиакассада иштеп жүрүп, жарандардын ишенимине кирип, авиабилет алып берем деген шылтоо менен акча каражаттарын өзүнүн банктык картасына котортуп алып жүргөн. Анын тузагына 13 жаран түшкөн. Тергөөдө арыздануучуларга болжол менен 1,5 миллион сомго жакын материалдык зыян келтиргени аныкталган.

Бул факт боюнча Кылмыш-жаза кодексинин 209-беренеси (Алдамчылык) менен кылмыш иши козголгон. Учурда тергөө иштери уланууда.

Автор: Кылымбек Бейшеев
Фото: Баткен ОИИБ