Саламаттык сактоо министринин жаңы орун басары жамаатка тааныштырылды

Бүгүн, 13-мартта саламаттык сактоо министринин жаңы орун басары Гүлбара Ишенапысова жамаатка тааныштырылды. Бул тууралуу министрликтин басма сөз кызматы билдирди.

Маалыматка ылайык, президенттин администрациясынын тармактык саясат бөлүмүнүн башкы эксперти Элден Калчакеев Саламаттык сактоо министрлигинин борбордук аппаратына министрдин жаңы орун басарын, башкы мамлекеттик санитардык дарыгерди тааныштырды.

Министрлер кабинетинин тескемесине ылайык, министрдин орун басары болуп Гүлбара Ишенапысова дайындалган.

Автор: Меерим Кабылова
Фото: Саламаттыкты сактоо министрлиги