Токмокто чогуу жашаган адамды өлтүрүүгө шектелген аял киши кармалды

Токмок шаарында жарандык никедеги жолдошун өлтүрүүгө шектелип 51 жаштагы аял кармалды. Бул тууралуу Чүй облустук милициясы билдирди.

Маалыматка ылайык, окуя кечээ, 15-мартта алар жашаган батирде болгон. Анда шектүү жарандык жолдошун пикир келишпестиктен улам бычак менен көкүрөккө сайып салган. 45 жаштагы эркек ошол жерде көз жумган.

Бул факт боюнча Кылмыш-жаза кодексинин 122-беренеси (Адам өлтүрүү) менен кылмыш иши козголгон. Маркум Токмок шаардык өлүк сактоочу жайга жеткирилген. Тиешелүү соттук-укуктук экспертизалар дайындалган. Учурда тергөө иштери уланууда.

Автор: Кылымбек Бейшеев
Фото: Чүй ОИИБ