Бишкекте Профсоюз көчөсүндөгү объектилерди демонтаждоо иштери уланууда

Бишкек шаарында Профсоюз көчөсүнүн уландысынын курулушуна байланыштуу жол куруу долбооруна тоскоол болгон объектилерди демонтаждоо иштери уланууда. Бул тууралуу 17-мартта мэриянын басма сөз кызматы билдирди.

Маалыматка ылайык, көчөнүн эки тарабында жайгашкан муниципалдык аймакка чыгып кеткен объектилерди аныктоо жана алып салуу иштери жүргүзүлүүдө.

Өткөн жума ичинде Профсоюз көчөсүндө 58 капиталдык тосмо, 41 капиталдык фундамент, 41 жеңил типтеги тосмо, 22 даараткана, 14 чарбалык курулуш, 2 күркө, 1 контейнер демонтаждалган.

Автор: Меерим Кабылова
Фото: Бишкек шаарынын мэриясы