Бишкекте ири алдамчылыкка шектелген жаран кармалды

Бишкекте 31 жаштагы жаран ири көлөмдөгү алдамчылыкка шектелип кармалды. Бул тууралуу Октябрь райондук милициясы билдирди.

Маалыматка ылайык, ал жабырлануучудан 29 даана Toyota Camry жана 24 даана Changan үлгүсүндөгү унааларды жеткирип берүүнү убадалап 1 миллион 87 миң 750 доллар алган. Шектүү акча каражаттарын алгандан кийин изин жашырып, качып кеткен.

Аталган факт боюнча Кылмыш-жаза кодексинин 209-беренеси (Алдамчылык) менен кылмыш иши козголгон. Шектүү убактылуу кармоочу жайга камакка киргизилди.

Автор: Кылымбек Бейшеев
Фото: Октябрь РИИБ