Депутатка айып: Кайгуул кызматы Кокуловго жооп берди

Бишкек Милициясынын кайгуул кызматынын басма сөз кызматынын өкүлү Надыр Жусупбеков Жогорку Кеңештин депутаты Эрулан Кокуловдун Жогорку Кеңеште айткан сөздөрүнө жооп берди.

Жусупбековдун айтымында, ошол күнү кайгуул кызматкерлери кечки саат 19:00дөн түнкү 00:00гө чейин туура эмес токтотулган унааларды аныктоо боюнча рейд жүргүзүшкөн.

Надыр Жусупбеков протокол түзүлгөн айдоочулардын арасында депутат да болгонун, ага жалпысынан 4 саат убакыт коротушканын белгилеп, кайгуулчулар келгенде депутат өз унаасында отургандыгын билдирди.

Буга чейин, Кокулов мыйзам бузуу саат 7де болгондугун, кызматкерлер үйүнө саат 11де келишкендигин айткан.

Автор: Айзада Кыдырмышева