Бишкектеги жаңы конуштарда бак отургузуу жана ишембиликтер өтөт

Бишкектеги бир катар жаңы конуштарда 22-марттан 5-апрелге чейин ишембиликтер жана бак отургузуу акциялары уюштурулат. Бул тууралуу Карылар үчүн ресурстук борборунан билдиришти.

Маалыматка ылайык, демилгенин негизги максаты – жаңы конуштарды жашылдандыруу, жашоого ыңгайлуу жана көрктүү аймакка айлантуу. Уюштуруучулар белгилегендей, бул ар бир тургун үчүн өз районуна салым кошуп, келечек муундар үчүн жагымдуу чөйрө түзүүгө жакшы мүмкүнчүлүк.

Иш-чаралардын графиги:

• 22-март — Бакай-Ата;

• 27-март — Ак-Ордо-2, Ак-Ордо-3;

• 28-март — Ак-Ордо-1;

• 29-март — Рухий-Мурас;

• 4-апрель — Калыс-Ордо;

• 5-апрель — Мурас-Ордо.

Катышууну каалагандар 0755 955 001 номери аркылуу кошумча маалымат ала алышат.

Автор: Айзада Кыдырмышева