
Өлкө башчы
Садыр Жапаров иш сапары менен Нарын облусуна барат. Бул тууралуу президенттин басма сөз катчысы
Аскат Алагөзов билдирди.
"Мамлекет башчы Садыр Жапаров бүгүн, 21-мартта бир күндүк иш сапары менен Нарын облусуна барат. Сапардын алкагында Мамлекет башчысы жаӊыланууну, биримдикти жана каада-салттардын уланышын чагылдырган байыркы элдик Нооруз майрамын белгилөөгө арналган салтанаттуу иш-чараларга катышат.
Президент ошондой эле Нарын шаардык ички иштер бөлүмүнүн жаңы имаратын ачат", - деп жазды ал социалдык тармактагы баракчасына.