Президент: "Акыркы беш жылда Кыргыз милициясына 261 жаңы имарат куруп бердик"

"Акыркы беш жылда Кыргыз милициясына 261 жаңы имарат куруп бердик". Бул тууралуу өлкө башчы Садыр Жапаров Нарын шаардык милициясынын имаратынын ачылыш аземине катышып жатып билдирди.

Президент заманбап талапка жооп берген имараттан шаарларга гана эмес, алыскы тоолуу райондорго, жетүүгө кыйын болгон аймактарга чейин курулганын белгиледи.

"Жер-жерлерге жашап жаткан калктын коопсуздугу баарынан маанилүү экенин эсиңиздерге бекем түйүңүздөр. Жогорку технологиялар менен камсыздалган имараттарда кызмат өтөп жатып, жарандарга дагы ошондой сапаттуу кызмат көрсөтүүгө милдеттүү экениңиздерди унутпаңыздар", - деди мамлекет башчысы.