Бишкектеги "Антикино" форматындагы жайлар текшерилди (видео)

Бишкектеги "Антикино" форматындагы жайлар текшерилди. Бул тууралуу Бишкек ШИИББинин басма сөз кызматы билдирди.

Маалыматка ылайык, рейд өткөрүүгө мындай жайларда жашы жете элек өспүрүмдөрдүн жабык кабиналарда жалгыз калуусуна шарт түзүлүп жатканы жана жашын тиешелүү түрдө текшербестен чоңдорго арналган тасмалардын көрсөтүлүп жатканы негиз болгон.

Иш-чарада ондогон объекттер текшерилип, аларга карата тиешелүү материалдар түзүлүп, түшүндүрүү иштери жүргөн. Милиция мындай жайлардын ишмердүүлүгүн аныктоо жана токтотуу боюнча иштер улантыларын билдирди.