Президенттин ишкерлерди негизсиз текшерүү боюнча мораторийи 3 тармакка тиешеси жок

Президенттин ишкерлерди негизсиз текшерүү боюнча киргизген мораторийи Салык кызматына, Бажы кызматына жана Жарандык авиация кызматына тиешеси жок. Бул тууралуу Экономика жана коммерция министри Бакыт Сыдыков "Биринчи радиого" билдирди.

Анын айтымында, аталган кызматтар тиешелүү иштерин жүргүзүүгө милдеттүү. Министр бирок башка текшерүү органдарына 31-декабрга чейин тыюу салынарын белгиледи.

Айта кетсек, 2026-жылдын аягына чейин ишкерлерди пландан тышкары салыктык текшерүүлөргө мораторий киргизилген.

Автор: Кылымбек Бейшеев