Ахматбек Келдибеков: "Мугалимдердин айлыгы көтөрүлбөй эле, түшүүдө"

"Билим берүү жана илим министрлигинин аткаминерлери мугалимдердин айлыгын көтөрөбүз деп алдап коюшту." Мындай пикирди 17-декабрда өткөн Каржы жана бюджет боюнча комитетинин жыйынында “Ата Журт” фракциясынын депутаты Ахматбек Келдибеков айтты. Анын айтымында, 2011-жылы Чүй облусунун мугалимдеринин орточо айлыгы 7709 сом болчу. Ал эми 2012-жылы 5322 сом болуп калган. Ысык-Көлдөгү мектептердин мугалими 2011-жылы 5 жылдык стажы менен 4292 сом алышса, 2012-жылы алардын айлыгы 3755 сомду түзгөн.

Автор: Мээрим Жеңишбек кызы