Жаан чакырат... Кытайлык компания Кыргызстанга 12 дрон белек кылды

Айыл чарба министри Эрлист Акунбеков кытайлык "Цюаньибао" маалыматтык технологиялар компаниясынын өкүлдөрү менен жолугушуу өткөрдү.

Айыл чарба министрлиги билдиргендей, кытай тарап министрликке кайтарымсыз негизде 12 даана учкучсуз учуучу аппаратты (дрон) берген. Бул жабдуулар айыл чарба иштеринде, анын ичинде өсүмдүктөрдү коргоо, айыл чарба жерлерин мониторинг жүргүзүү, ошондой эле жасалма жол менен жаан-чачын чакырууда колдонулат.

Министрлик келечекте аталган компания тарабынан Кыргызстанда учкучсуз учуучу аппараттарды өндүрүүчү завод куруу пландалып жатканын кошумчалады.

Автор: Кылымбек Бейшеев
Фото: Айыл чарба министрлиги