КОЙ
(21.03–20.04)
Жылдыздар кой жылдызынын алдында төрөлгөндөргө бул аптада каржылык иштер менен алек болууга кеңеш беришет. Айрыкча карызы барлар андан кутулууга аракет кылуусу керек. Жумушта жетекчилик менен талашып-тартышпаңыз. Жума жана ишемби күндөрү керектүү буюм же кийим-кече сатып алышыңыз мүмкүн. Аптанын экинчи жарымында үйүңүзгө алыстан туугандар келиши күтүлөт. Дем алышта огород тазалоо, жашылча-жемиш эгүү иштери менен алек болосуз.
БУКАЧАР
(21.04–20.05)
Аптада сүйүү тармагында жолдуу болосуз. Негизгиси өзүңүзгө ишенимдүү болуп, тоскоолдуктарга сынып калбаңыз. Жумушта кармалып, үйгө кечигип келүүнү токтотуңуз. Убакытты туура бөлүштүрүп, үйдөгүлөргө да көңүл бөлсөңүз маселе жаралбайт. Таза абада көп сейилдесеңиз, жетпей жаткан энергияны толуктай аласыз. Кол өнөрчүлүк менен алектенгендердин иши алдыга жылат. Дем алыш күндөрү үйдө отурбай, жакындар менен эс алуу уюштуруңуз.
ЭГИЗДЕР
(21.05–21.06)
Аптанын биринчи жарымында өзүңүздү бош, керекпи жалкоо да сезесиз. Бул көптөн берки күтүү режиминен улам. Бирок аптанын экинчи жарымында сиз көптөн күткөн суроо алдыңкы планга чыгып, жамааттык түрдө ишке киришесиз. Жашооңузду жакшы нукка бурган күтүүсүз окуя орун алат. Ден соолук жаатында жаныңызды кыйнаган оор дарттар тынчыңызды албайт, ошентсе да өзүңүздү карап жүрүңүз. Балалуу болууну пландап жүргөндөрдүн тилеги ишке ашуусу мүмкүн.
БӨЙӨН
(22.06–22.07)
Чыгармачылык, илим жана спорт тармагында эмгектенгендерди бул аптада ийгилик күтөт. Кеңсе кызматкерлеринин жумушунда туруктуулук сакталат. Кыз-жигит статусунда жүргөндөрдүн мамилеси жаңы тепкичке көтөрүлүүсү ыктымал. Ашказан-ичеги оорулары тынчыңызды алышы мүмкүн, тамак-ашыңызды мүнөздөп жеген оң. Шаршемби күнү үйдө чыр чыгышы мүмкүн, алдын алып майда-чүйдөгө чейин маани берип жүрүңүз. Дем алышта уйкуну кандыра уктап, тынч эс алыңыз.
АРСТАН
(23.07–23.08)
Жаңы тааныш адамдарга ишенип болгон сырыңызды, планыңызды айта бербеңиз, сөзүңүз өзүңүзгө каршы курал катары колдонулуп калуусу мүмкүн. Бул аптада башкаларга эмес, өзүңүзгө, өзүңүздүн керектөөлөрүңүзгө көңүл буруп, кам көрүп, кем-карчыңызды толуктап алганыңыз туура. Артрит, артроз, омуртка грыжасы сыяктуу сөөк оорулары менен жабыркагандардын оорусу күчөп кыйналышы мүмкүн. Аптанын экинчи жарымын кыймылда өткөрөсүз, сапарга чыгууңуз ыктымал.
БИЙКЕЧ
(24.08–23.09)
Керектөөлөрүңүзгө жараша чоң суммадагы насыя алышыңыз мүмкүн. Жумушта өзгөрүүлөр күтүлөт, аны өз пайдаңызга чечүү сиздин тажрыйбадан жана кесипкөйлүгүңүздөн көз каранды. Жума күнү эски достордун биринен маанилүү кабар угасыз. Аптанын экинчи жарымында кыялдарыңыздын бири орундалат дешет жылдыздар. Бул аптада жумушуңузда абдан жоопкерчиликтүү болуңуз, антпесе ката кетип, аны оңдоого көп убакыт жана энергия коройт.
ТАРАЗА
(24.09–23.10)
Өзүңүзгө алтын же башка зер буюм сатып алып кубанасыз. Жүрөгүңүздү өйүткөн көйгөй болсо туугандар же достор менен бөлүшүңүз, жардам беришет. Интернеттен онлайн соода кылбай туруңуз, алданып калышыңыз мүмкүн. Жумушта сизге тиешеси жок конфликттерге аралашуудан качыңыз. Жакын адамыңызга белек беришиңиз күтүлөт. Апта соңу пландарыңызга өзгөрүү кирип, активдүү иш-аракеттер кошулушу мүмкүн. Электр приборлорун колдонууда сак болуңуз, ток уруу коркунучу бар.
ЧАЯН
(24.10–22.11)
Жумушта “көлөкөгө” кетип, жалгыз иштесеңиз жемиштүү жыйынтыкка жетесиз. Жамаат менен чогуу аткарылчу иштерден баш тартканыңыз оң. Мурдагы каталарды оңдоого аракет кылыңыз. Тамак-аш рационуңузга көңүл бөлүңүз, апта ортосу тамактан уулануу коркунучу бар. Анан да иммунитетти бекемдегенге аракет кылуу зарыл. Материалдык абалыңыз жакшырып кубанасыз. Аптанын аягын үй-жайыңызды жыйнап, керексиз буюмдардан арылып, орун бошотконго арнаңыз.
Уландысы шилтемеде.
