Бишкек шаарынын айрым бөлүктөрүндө суу өчүрүлөт

Бишкек шаарынын айрым райондорунда 2-апрель күнү суу өчүрүлөт. Бул тууралуу шаардык мэриядан билдиришти.

Маалыматка ылайык, турак жайлар, мектептер, бала бакчалар, саламаттыкты сактоо мекемелери жана башка социалдык жана өнөр жай объектилери саат 9-00 дон 20-00го чейин суусуз калат.

Өчүрүлө турган аймактар:

• Ала-Арча суусу – Темир жол линиясы – Жибек Жолу проспекти – Жаш Гвардия бульвары

• Жаш Гвардия бульвары – Темир жол линиясы – Фрунзе көчөсү – Манас проспекти

• Дэн Сяопин проспекти – Ала-Арча суусу – Бөкөнбаев көчөсү – Кулиев көчөсү – Москва көчөсү – Пишпек көчөсү – Фучик көчөсү – Казаков көчөсү

Өчүрүү “Запад-2” суу топтомосунда жана шаардык суу түтүк тармактарында оңдоо иштерине байланыштуу жүргүзүлөт.

Бишкексууканал тургундардан кечирим сурап, ичүүчү сууну алдын ала камдап алууну өтүнөт.

Автор: Айзада Кыдырмышева