Жабылды, айып пул салынды... УКМК 19 медресени текшерүүгө алды

Улуттук коопсуздук мамлекеттик комитети 19 диний билим берүү мекемесинде текшерүү иштери жүргүзүлгөнүн билдирди.

Атайын кызмат натыйжада, зарыл болгон уруксат документтеринин жоктугунан улам 3 медресе жабылып, аларга карата тергөө иштери башталганын белгиледи. Мындан тышкары, санитардык-эпидемиологиялык эрежелерди одоно бузгандыгы үчүн 2 медресеге айып пул салынып, ишмердүүлүгү убактылуу токтотулган. Ал эми 4 медресеге майда кемчиликтерди жоюу боюнча эскертүү берилген.

"Айрым медреселердеги диний адабияттар талап кылынган текшерүүдөн өтпөй калгандыктан, Кыргызстан мусулмандарынын дин башкармалыгына карап чыгууга жана бекитүүгө жөнөтүлгөн",- деп айтылат маалыматта.