Бишкек шаарында унаа уурдоого шектелип 18 жаштагы жаран кармалды. Бул тууралуу 1-апрелде Биринчи Май райондук ички иштер башкармалыгынан билдиришти.
Маалыматка ылайык, 29-мартта саат 03:25 чамасында Чыңгыз Айтматов проспектинде жайгашкан ресто-барлардын биринин алдында белгисиз жаран Б.А. аттуу жарандын ак түстөгү Toyota Prius үлгүсүндөгү унаасын мыйзамсыз ээлеп алып, белгисиз багытка айдап кеткен.
Аталган факт боюнча Кылмыш-жаза кодексинин 211-беренеси (Автомототранспорт каражаттарын айдап качуу) боюнча кылмыш иши козголгон.
Ыкчам-издөө иш-чараларынын натыйжасында 2007-жылы туулган Ш.Б. аттуу шектүү кармалды. Учурда тергөө иштери улантылууда.