ИИМ: “Мурдагы депутат Шайырбек Ташиев “Кыргызнефтегаздагы” коррупция үчүн кармалды”

Ички иштер министрлиги Шайырбек Ташиевди “Кыргызнефтегаз” ААКтагы коррупциялык схема боюнча кармады. Бул тууралуу аталган министрликтин басма сөз кызматынан билдиришти.

“Тергөө көрсөткөндөй, мунай ортомчу компаниялар аркылуу өткөрүлүп, андан кийин мамлекеттик ишкана "Кыргыз Петролеум Компаниге" кайра сатылган. Бул мыйзамсыз киреше алуу менен коштолгон.

Алдын ала эсеп боюнча мамлекетке келтирилген зыян 4,1 миллиард сомдон ашат. Мамлекетке келтирилген зыян толук көлөмдө Шайырбек Ташиев тарабынан өндүрүлүшү керек.

Тергөө иштери уланууда”, - деп жазылган маалыматта.

Автор: Айзада Кыдырмышева