Бишкекте бангладештик жигит мекендештерин алдоого шектелип кармалды

Бишкекте 22 жаштагы бангладештик жаран кармалды. Бул тууралуу борбор калаанын милициясы кабарлады.

Маалыматка ылайык, милицияга Бангладештин 9 жараны арыз менен кайрылган. Алар өз өлкөсүндөгү туугандарына акча жеткирүү милдетин алган мекендеши алдап кеткенин айтышкан. Келтирилген жалпы зыяндын суммасы 1 миллион сомдон ашат.

Аталган факт боюнча Кылмыш-жаза кодексинин 209-беренеси (Алдамчылык) менен кылмыш иши козголгон. Шектүү убактылуу кармоочу жайга киргизилди.

Автор: Кылымбек Бейшеев
Фото: Бишкек ШИИББ