15 миң долларга сатылган унаанын акчасын толук бербей жүргөн жаран кармалды

Бишкекте алдамчылыкка шектелген жаран кармалды. Бул тууралуу Ленин райондук милициясы билдирди.

Маалым болгондой, 2-апрелде жаран арыз менен милицияга кайрылды. Анын айтымында, 2025-жылдын сентябрь айында башка бир жаран ишенимине кирип, андан 15 миң долларлык Toyota Camry автоунаасын сатып алган. Бирок унаанын акчасын толук төлөбөй, милдеттенмесин аткарган эмес.

Бул факты боюнча Кылмыш-жаза кодексинин “Алдамчылык” беренеси менен кылмыш иши козголгон. Иликтөө иштеринин жүрүшүндө милиция шектүү катары 1968-жылы туулган жаранды кармап, убактылуу кармоочу жайга киргизди.

Учурда бул иш боюнча тергөө уланууда.

Автор: Замира Ниязбекова