
Кыргызстандык мушкер
Ихтияр Нишонов Түркиянын
Стамбул шаарында өткөн “Ahmet Cömert” атындагы бокс боюнча эл аралык турнирде жеңүүчү аталды.
Спортчу 70 килограммга чейинки салмак чен бирдигинде күч сынашып, финалдык беттеште Австралиянын өкүлү Уильям Млачичти утту.
Ал беттешти 1/8 финалдан баскычынан баштап Азербайжан, Түркия жана Германия өлкөлөрүнүн мушкерлерин жеңген.
Дене тарбия жана спорт департаменти билдиргендей, 29-мартта башталган эл аралык турнир 5-апрелде аяктады.