Бишкекте жол эрежесин бузуп, кайгуул кызматкерлеринен качкан айдоочу кармалды. Бул тууралуу ЖКККБнын басма сөз кызматы билдирди.
Маалыматка ылайык, окуя 4-апрелде болжол менен түнкү саат 23:00 чамасында катталган. Анда эреже бузган айдоочу унаасы менен качып, ал көрүнүштү видеого тартууга да үлгүргөн.
Натыйжада айдоочу кармалып, ага 45 миң 500 сом өлчөмүндө айып пул салынган жана унаасы айып короого токтотулган.