Милиция кызматкерлери эс-учун жоготкон кызды тез арада ооруканага жеткиришти (видео)

Бишкекте милиция кызматкерлери эс-учун жоготкон кызды ооруканага өз убагында жеткиришти. Бул тууралуу 13-апрелде Милициянын кайгуул кызмат башкармалыгынан билдиришти.

Маалыматка ылайык, 11-апрелде саат 22:00 чамасында кайгуул кызматынын кызматкерлерине жарандар кайрылып, жардам сурашкан. Алардын айтымында, кыздын абалы начарлап, эс-учун жоготкон.

Кызматкерлер кырдаалга ыкчам реакция жасап, жол тыгындарын айланып өтүү менен кызды жакынкы ооруканага жеткиришкен. Натыйжада кызга убагында керектүү медициналык жардам көрсөтүлгөн.