Гүлназ Чыныбек кызы африкалык бийчи балдарга жөнөп кетти (видео)

Ырчы Гүлназ Чыныбек кызы Moriox Kids тобунун балдарына жолугуу үчүн Африкага жөнөп кетти. Тийиштүү видеону ырчы айым өзүнүн социалдык тармактагы баракчасына жарыялаган.

"Достор, биз Африкага аттандык. Чынын айтсам, ишенип-ишенбей ар кандай сезимдер коштоп жатат. Балдарыма аман-эсен барып келели. Ар дайымкыдай ак бата менен алкап коюңуздар",- деп билдирүү калтырган ал.

Буга чейин аталган африкалык бийчи балдар Гүлназ Чыныбек кызынын аткаруусундагы "Аттиң ай", "Ak Orgo City" командасынын "Дык-Кын-Дыш" жана кара жорго ырларына бийлеп видео тартышкан. Мындан тышкары, дагы бир топ кыргызча ырларга видео тартып келишет.

Белгилей кетсек, Moriox Kids - Руанданын баш калаасы Кигалиден чыккан бийчилер тобу. Топ ар кандай бийлерди аткарып, социалдык тармактарга видео жарыялап, дүйнө жүзү боюнча аудиториянын көңүлүн өзүнө буруп келет.