Кытайда өтө турган дзюдо боюнча Азия чемпиондугуна кыргызстандык 14 спортчу катышат

16-18-апрель күндөрү Кытайдын Ордос шаарында дзюдо боюнча Азия чемпиондугу өтөт. Аталган мелдешке Кыргызстандын улуттук курама командасы катышат.

Ден тарбия жана спорт агенттиги белгилегендей, биринчиликтин алкагында эркектер жана кыз-келиндер арасында жалпысынан 14 топтом медалдар ойнотулат. Кыргызстандын атынан 14 балбан катышат.

Эркектер курама командасынын тизмеси:

66 килограммга чейин - Эрбол Абасбеков, Адис Орозмаматов;

73 килограммга чейин - Нурмухаммад Бакирдинов;

81 килограммга чейин - Чыңгызхан Сагыналиев, Тегин Алмазжан уулу;

90 килограммга чейин - Эрлан Шеров, Эржан Канатбеков;

100 килограммга чейин - Дуат Полтушев;

100 килограммдан жогору - Эмирхан Жолдошказиев.

Машыктыруучулар: Эркин Ибрагимов жана Азат Кубакаев.

Кыз-келиндер курама командасынын тизмеси:

57 килограммга чейин - Жанар Жолдошева, Бегай Бейшеналы кызы;

63 килограммга чейин - Адина Көчкөнбаева, Мырзайым Дүйшөнбекова;

70 килограммга чейин - Алина Молдокулова.