Бишкекте айрым автобус каттамдары убактылуу өзгөртүлдү

Бишкек шаарында Жибек Жолу проспектисинин Жаш Гвардия бульварынан Калык Акиев көчөсүнө чейинки бөлүгү унаа кыймылы үчүн убактылуу жабылды. Бул чечимге байланыштуу шаардагы №13, №35 жана №45 автобус каттамдарынын жүрүү багыттары убактылуу өзгөртүлдү.

Шаардык кызматтардын маалыматына караганда, аталган тилкеде диаметри 600 мм болгон жаңы канализациялык коллекторду орнотуу иштери жүрүп жатат. Курулуш-монтаж иштери бүткөнгө чейин жол жабык бойдон калат.

Бишкек мэриясы шаар тургундарын жана айдоочуларды алдын ала маршруттарын пландап алууга, ошондой эле убактылуу өзгөрүүлөрдү эске алууга чакырды.

Автор: Айзада Кыдырмышева