Таласта "Чыңгыз Ааламы" маданий-мемориалдык комплексинин курулушу кызуу жүрүүдө

Талас облусунун Айтматов районундагы Шекер айыл аймагында "Чыңгыз Ааламы" маданий-мемориалдык комплексинин курулуш иштери уланууда. Бул тууралуу 17-апрелде Курулуш министрлигинен билдиришти.

Маалыматка ылайык, башкы планда жазуучу Чыңгыз Айтматовдун жаңы үй-музейи, заманбап кинотеатр, китепкана жана мейманкана куруу каралган. Учурда бетон куюу жумуштары жүргүзүлүүдө.

Курулуш иштери президент Садыр Жапаровдун тапшырмасы менен жүргүзүлүп, бюджеттен каржыланууда. Объекттин сметалык наркы 150 миллион сомду түзөт.