Жанарбек Акаев эми Новиков менен таттуу токоч бөлүшүп жеди

Ош шаарында Орус-Кыргыз өнүктүрүү фондунун 63 миллион сомдук колдоосу менен “Мадина” аталышындагы жаңы кондитердик цех ишке кирди.

Ачылышка шаар мэри Жанарбек Акаев, Орус-Кыргыз өнүктүрүү фондунун жетекчиси Артём Новиков, Ош шаардык кеңешинин төрагасы Болот Баетов жана коомдук ишмерлер катышты.

Анда аталган цехтин таттууларынан ооз тийип жатып, аткаминерлер бири-бирин тамашага салышты. Акаев "бир күн манты, бир күн таттуу жеп жүрөт дебегиле, бул да болсо иш" деп белгилеп өттү.

Цех 100дөй адамды жумуш орун менен камсыздайт.

Автор: Замира Ниязбекова