Эрлан Шеров Азия чемпондугунда 5-орун болуп калды

Кыргызстандык дзюдочу Эрлан Шеров Азия чемпиондугунда бешинчи орунду ээледи. Турнир Кытайда өтүүдө.

Шеров коло медаль үчүн кармашта казакстандык атаандашына утулуп, беттеш 1:0 эсеби менен аяктады.

Ал 90 килограмм салмак ченинде күч сынашып, мелдешти 1/8 финалдан баштаган. Алгач Макао жана Тажикстандан келген спортчуларды жеңип, жарым финалга чыккан. Финалга чыгуу үчүн болгон кармашта кытайлык спортчуга жеңилип калган.

Кечээ, 18-апрелде ошондой эле кыргызстандык спортчулар Эржан Канатбеков, Даут Полтушев жана Эмирхан Жолдошказиев да катышкан, бирок алар медаль үчүн күрөштөн четтеп калышты.

Автор: Замира Ниязбекова