Жылнаама, 26-январь: Мындан 226 жыл мурда Сидней шаары негизделген

*Мындан 226 жыл мурда Сидней шаары негизделген. Ал Австралиядагы европалыктар отурукташкан биринчи шаар. Учурда Сиднейде 5 миллионго жакын адам жашайт.

*1921-жылдын 26-январында япониялык жеке ишкер Акио Морита жарык дүйнөгө келген. Ал бош убактысынын көпчүлүк бөлүгүн электрониканы окуп үйрөнүүгө жумшачу. Кийин атактуу “Sony” компаниясын негиздеген.

*Мындан 103 жыл мурун, тактап айтканда, 1911-жылдын 26-январында Глен Кёртис башкарган гидроплан биринчи жолу асманга көтөрүлгөн. Ал кургакта да, суу да жүрө алчу. Муну байкаган АКШ, Орусия, Япония, Германия сыяктуу ири өлкөлөр дароо сатып алышкан.

*2001-жылдын бул күнү Индиянын Гужарат штатында күчү 7,9 баллга жеткен зилзала болгон. Анын кесепетинен 20 миңден ашуун адамдын өмүрү кыйылган.

Жылнаама толугу менен бул жакта...

Автор: Бекжан Рыскулов