Өлкөдө экинчи дүйнөлүк согуштун 24 гана ардагери калды

Бүгүнкү күндө Кыргызстанда Улуу Ата Мекендик согуштун 24 ардагери калды, алардын ичинде Ленинград блокадасын башынан өткөргөндөр жана концлагерлердин мурдагы туткундары бар. Бул тууралуу бүгүн, 20-апрелде Эмгек министрлиги билдирди.

Маалым болгондой, алардын сегизи согуштун түз катышуучулары:

Бишкекте - 4;
Чүй облусунун Жайыл районунда - 2;
Нарын облусунун Ат-Башы районунда - 1;
Жалал-Абад облусунун Базар-Коргон районунда 1.

"Өлкөдө концлагерлердин жашы жете элек 6 мурдагы туткуну жашайт. Алардын төртөө Бишкек шаарында, бири Жайыл районунда, дагы бири Жалал-Абад шаарында. Ошондой эле Ленинград блокадасын башынан өткөргөн 10 адам бар. Алардын 8и Бишкекте, бири Сокулук районунда, бири Балыкчы шаарында жашайт",- деп белгиленген маалыматта.

Автор: Замира Ниязбекова