Кыргызстандын бокс боюнча улуттук курамасы Дүйнө кубогунда күч сынашат

Кыргызстандын бокс боюнча улуттук курама командасы Бразилиянын Фош-ду-Игуасу шаарында өтө турган Дүйнө кубогунда күч сынашат. Бул тууралуу Дене тарбия жана спорт агенттигинен билдиришти.

Маалыматка ылайык, мелдеш 20-26-апрелде өтүп, ага дүйнөнүн 50дөн ашуун өлкөсүнөн 400гө жакын мушкери катышат.

Эл аралык турнирге беш спортчу аттанды:

Анвар Ходжиев (50 килограммга чейин),
Зафарбек Камилов (55 килограммга чейин),
Мунарбек Сейитбек уулу (60 килограммга чейин),
Омар Ливаза (65 килограммга чейин)
Ихтияр Нишонов (70 килограммга чейин).

Курама команданын даярдыгы башкы машыктыруучу Данияр Төлөгөн уулу жана улук машыктыруучу Улан Сагынбаев жетектеген машыктыруучулар штабы тарабынан жүргүзүлүүдө.

Автор: Меерим Кабылова
Фото: Дене тарбия жана спорт мамлекеттик агенттиги