Кыргызстандык зыяратчылардын алгачкы тобу 11-майда ажылыкка аттанат

Муфтияттын маалыматына ылайык, кыргызстандык зыяратчылардын алгачкы тобу 11-майдан тарта ажылыкка аттанат.

Мекеме ар бир зыяратчы үчүн Сауд Арабиясына кирүүдө тартипти сактоо маанилүү экенин эскертти.

"Зыяратчылар үчүн эң маанилүү нерселердин бири – Nusuk картасы (бейжик). Бул картасыз Меккеге жана ыйык жерлерге кирүүгө мүмкүн эмес. Ошондой эле ал негизги кызматтарга жетүүнү камсыз кылат",- деп айтылат анда.

Карта ажылыкты уюштуруу штабы (ажы башчысы) тарабынан берилет. Санарип версиясы Nusuk жана Tawakkalna тиркемелеринде жеткиликтүү.

Автор: Айжанар Рыспек кызы
Фото: интернеттен алынды