Ошто өч алуу максатында имарат өрттөөгө шектелип кыздар кармалышты

Ош облусундагы Мады айылында жайгашкан бильярд клубун өрттөөгө шектелип эки кыз кармалды. Бул тууралуу облустук милициядан билдиришти.

Маалым болгондой, кыздар жеке таарынычтардан улам бул ишке барышкан.

Бул факт боюнча Кылмыш-жаза кодексинин 216-беренесинин (Башка бирөөнүн мүлкүн жок кылуу же бузуу) негизинде кылмыш иши козголду. Натыйжада окуяга шектүү катары 2006-жылы туулган Н. кызы А., жана 2007-жылы туулган А.А. аттуу жарандар кармалып, райондук сот тарабынан камакка алынышты.

Учурда тергөө амалдары уланууда.

Автор: Замира Ниязбекова