Баткендик ишкер жарактан чыккан учакка жаңы өмүр берди

Баткендик ишкер "Манас" эл аралык аэропорту уюштурган аукциондо сатып алган учагын оңдоп-түзөөдөн өткөрдү. Бул тууралуу ишкер социалдык тармактагы баракчасында кабарлаган.

Андагы маалыматка караганда, учак "Ак балык" аталышындагы эс алуучу жайына орнотулган.

"Учактын оңдоо иштери толук бүттү. Эртең, 22-апрелде ачылышы болот. Баарыңыздарды күтөбүз",- деген ишкер.

Белгилей кетсек, ишкер аталган учакты аукциондон эскилиги жетип, жарактан чыгып калган абалда сатып алган. Учак экиге бөлүнүп, оор жүк ташуучу трал менен Баткен шаарына жеткирилген. Аны оңдоп-түзөөдөн өткөрүп, жергиликтүү тургундар жана коноктор үчүн көргөзмө объект катары пайдаланарын айткан.