Ошто батирлерге уурулукка кирип жүргөн делген шектүү кармалды

Ош шаарында 28 жаштагы жаран батирлерге уурулукка кирүүгө шектелип кармалды. Бул тууралуу калаа милициясы кабарлады.

Маалыматка ылайык, ал шаардын Достук, Манаса-Ата кичи райондорундагы 8 үйгө уурулукка кирген. Тергөөдө шектүү үй ээлеринин жоктугунан пайдаланып, бир нече баалуу буюмдарды, акчаларды уурдап кеткени аныкталган.

Ал акыркы уурулук кылган батиринен 2 алтын сөйкө, 5 шакек, 200 доллар жана 10 миң сом алып чыгып кеткен. Алтын буюмдарды өз баасынан арзан сатып жиберген. Шектүү 2 айга камакка алынды.

Автор: Кылымбек Бейшеев
Фото: Ош ШИИБ