"Эзип коёлу". Дастан Бекешев кесиптештерин күлкүгө салды

Жогорку Кеңештин депутаты Дасатн Бекешев министрлер кабинетинин төрагасынын орун басарлыгына сунушталып жаткан Улан Маматкановдун талапкерлигин суроо-жоопсуз эле добушка коюуну сунуш кылды.

Ал бүгүн, 22-апрелдеги парламент жыйынында анын талапкерлиги тармактык комитеттерде каралганын белгиледи.

"Менде дагы көп суроолор бар. Бирок күн тартибинде 20дан ашык маселе бар. Ошон үчүн азыр дайындай берели, анан бир күнү бул жерге чакырып, эзип коёлу",- деди эл өкүлү. Бул сөзгө кесиптештери күлүштү.

Жыйынтыгында парламент Маматкановдун талапкерлигин жактырды.

Автор: Кылымбек Бейшеев
Фото: Жогорку Кеңештин маалымат кызматы