Бишкекте уурулукка шектелип 28 жаштагы кыз кармалды. Бул тууралуу Ленин райондук милициясы билдирди.
Маалыматка ылайык, ал борбор калаадагы гипермаркеттердин биринен 24 450 сомдук шоколад, конфеттерди уурдап кеткен. Бул факт боюнча Кылмыш-жаза кодексинин 205-беренеси (Уурулук) менен кылмыш иши козголгон.
Шектүү убактылуу кармоочу жайга киргизилген. Анын ушул сыяктуу дагы 7 кылмышка тиешеси бар экендиги аныкталган. Учурда тергөө иштери уланууда.