Президенттин администрациясы Илан Шор жөнүндөгү маалыматтарды четке какты

Президенттин администрациясынын маалымат кызматынын жетекчиси Дайырбек Орунбеков бизнесмен Илан Шордун өлкөдө жашап жатканы тууралуу айтылган маалыматтарды четке какты.

"Бир катар маалымат булактарында Илан Шор тууралуу тараган маалыматтар чындыкка дал келбей турганын билдиребиз. Илан Шор Кыргызстанда жашабайт жана өлкөдө эч кандай саясий же бизнес ишмердүүлүгүн жүгүзбөйт.

Ошондуктан, биз маалымат каражаттарынын өкүлдөрүн жана социалдык медиа колдонуучуларын жалган маалымат таратпоого чакырабыз",- деп жазды ал Facebook баракчасына.

Автор: Кылымбек Бейшеев