Бишкекте ири алдамчылыкка шектелген жаран кармалды

Бишкекте алдамчылыкка шектелип 34 жаштагы жаран кармалды. Бул тууралуу борбор калаа милициясы билдирди.

Маалыматка ылайык, милицияга кайрылган жаран шылуундарга 9 миллион 123 миң 470 сомун алдырып жибергенин айткан. Шектүүлөр өздөрүн УКМКнын, ИИМдин жана Улуттук банктын кызматкерлери катары тааныштырышып, жабырлануучуну коркутууга алышкан. Мындан улам ал ири суммадагы акчасын которуп жиберген.

34 жаштагы жаран убактылуу кармоочу жайга киргизилген. Мындан тышкары, дагы 5 адам аныкталып, тергөө органдарына жеткирилген. Учурда алардын аракеттерине юридикалык баа берилүүдө.

Автор: Кылымбек Бейшеев
Фото: Бишкек ШИИББ