Шакир Маматов муфтийдин орун басары болуп дайындалды

Кыргызстан мусулмандарынын муфтийинин орун басары болуп Шакир Маматов дайындалды. Бул тууралуу муфтияттан билдирди.

Тиешелүү буйрукка муфтий Абдулазиз Закиров кол койду. Жаңы жетекчи кечээ, 24-апрелде жамаатка тааныштырылды.

Өмүр баяны:

Шакир Маматов 1968-жылы Баткен облусунун Кадамжай районундагы Пүлгөн айылында туулган.

Билими:
1989-1996-жылдары Хазрети Али медресесинде илим алган, адистиги: имам-хатиб жана мударрис;
2003-2016-жылдары Эл аралык инновациялык технологиялар университети, адистиги: уюмдун менеджменти (багыттар боюнча).

1986-1988-жж. Москва шаарында Советтик армиянын катарында кызмат өтөгөн.

Эмгек тажрыйбасы:

1996-1997-жылдарыХазрети Али медресесинин мудариси;
1997-1999-жылдары Молдо Мухтар мечитинин имамы;
1999-2000-жылдары Кадамжай районунун баш имам-хатиби;
2002-2005-жылдары Ысык-Көл облусунун мусулмандарынын казысы;
2002-2012-жылдары Кыргызстан мусулмандарынын Аалымдар кеңешинин мүчөсү;
2005-жылы Кыргызстан мусулмандарынын азирети муфтийинин орун басары;
2005- 2006-жылдары Баткен облусунун мусулмандарынын казысы.
2006-2010-жылдары Бишкек шаарынын мусулмандарынын казысы;
2010-2012-жылдары Ош шаарынын мусулмандарынын казысы;
2012-2013-жылдары Баткен облусунун мусулмандарынын казысы;
2013-2014-жылдары Бишкек шаарынын мусулмандарынын казысы;
2013-2022-жылдары "Идеал Травел" туристтик агенттигинин жетекчиси;
2022-2026-жылдары Бишкек шаарынын казысы (муфтийдин ордо калаадагы өкүлү);
2026-жылдын февраль айынан тарта ордо калаадагы Кимсанбай ажы Абдурахманов атындагы мечиттин имам-хатиби болуп эмгектенип келген.

Билген тилдери:
Кыргыз, араб, орус, өзбек, казак

Үй-бүлөлүк абалы:

2уул, 4 кыздын атасы

Автор: Айжанар Рыспек кызы
Фото: Муфтият