Кулубаев Монаконун тышкы иштер министри менен телефон аркылуу сүйлөштү

Тышкы иштер министри Жээнбек Кулубаев бүгүн 27-апрелде Монако Княздыгынын тышкы иштер жана кызматташтык министри Изабель Берро-Амадеи менен телефон аркылуу сүйлөшүү өткөрдү. Бул тууралуу ТИМдин басма сөз кызматынан билдиришти.

Маалыматка ылайык, сүйлөшүүнүн жүрүшүндө тараптар кыргыз-монаколук мамилелердин учурдагы абалын жана эки тараптуу, ошондой эле көп тараптуу форматтардагы кызматташууну мындан ары өнүктүрүү мүмкүнчүлүктөрүн талкуулашты.

Министрлер эки өлкөнүн ортосундагы байланыштарды чыңдоого даяр экенин дагы бир жолу ырасташты.

Автор: Айзада Кыдырмышева