Кыргызстандыктар Кытайдын Шэньчжэнь шаарында тоо лыжа спорту боюнча өткөн Азия чемпиондугунда 4 медаль жеңишти. Бул тууралуу Дене тарбия жана спорт агенттиги билдирди.
Маалымдалгандай, эркектер арасында Роман Нарчуганов 2 алтын медаль утуп, мелдештин башкы жеңүүчүлөрүнүн бири болгон. Ал эми кыз-келиндер арасында Альбина Иванова слалом түрү боюнча 2 коло медаль уткан.
Белгилей кетүүчү жагдай, Роман Нарчуганов Кыргызстан тарыхында FIS Азия чемпиондугунда слалом дисциплинасы боюнча алгачкы алтын медалдын ээси болду.